یکشنبه ۱۰ شهریور ۱۳۹۸ - ۱۱:۱۷
کد خبر55797

روسیه نین صنعتی طراحلیق مکتبینین رئیسی:
تاریخی بینالارین توریست گتیرمک ده خصوصی اهمیتی وار

نشست های تخصصی اجلاس اوراسیا

روسیه نین صنعتی طراحلیق مکتبینین (دانشکده طراحی صنعتی) رئیسی دئدی: توریست فقط تاریخی یئرلرین گورمه سی اوچون بیر شهره گلمیر. بلکه تاریخ ایله مدرن یاشاییشین بیربیری ایله نئجه یاشاماسی توریست اوچون اهمیتلی و جذب ائدندیر.

سرگئی مالاکوف اونونجو اوراسیا شهرلرینین توسعه و انکشاف اجلاسینیندا دئدی: تبریز ایله روسیه نین سارامای شهرینین 1500 کیلومتر اوزاقلیغینا باخمایاراق چوخلو اورتاق نقطه و اشتراکاتیمیز وار.

او دئدی: بیز روسیه نین سامارا شهرینده مردن یئرلر ایله متضاد اولان کوهنه منطقه لرین احیاسینا چالیشیردیق .

مالاکوف هر منطقه نین کئچمیش تاریخی و مدنیتیندن حمایت ائتمه یی بیر ضرورت بیلیب آرتیردی: بیز مدرن بینالار تیکیلدیی حالدا کوهنه بینالارین نئجه احیا و برپا ائتمه سینی بیلمه لییک و بو قدیمی بنالاری قورومالییق.

سرگئی مالاکوف گؤی مسجیدین گوزللیک لریندن دانیشاراق بو مسجدین معمارلیغینی بیر شاه اثر بیلیب آرتیردی: امیدیم وار شهر اداره ائدن مسئوللار بو تاریخی بنانین یاخینلیغیندا تیکیلن بنالاردا مسجدین تاریخی و مدنی موقعیتینه داها آرتیق دقیقلشسینلر.

ارسال نظر

شما در حال ارسال پاسخ به نظر « » می‌باشید.
5 + 9 =