دوشنبه ۱۴ مرداد ۱۳۹۸ - ۰۸:۰۷
کد خبر55387

تبریز بلدیه رئیسی:
تبریزین مشروطه انقلابینداکی تاثیری، مرداد آینین ۱۴نجو گونونون تبریز گونو آدلاندیرماغا اهمیتلی سبب دیر

79092.jpg

تبریز بلدیه رئیسی دئدی: تبریزین مشروطه انقلابینداکی موقعیتنی تثبیت ائتمک اوچون، مرداد آینین 14نجو گونو و مشروطه گونونو تبریز گونو آدلاندیرماق اوچون تکلیف ائتمیشیک.

ایرج شهین باهر، تبریز اسلامی شوراسینین هفته لیک جلسه سینده، بو گونون تبریز گونو آدلاندیرماق اوچون شورایا لایحه گوندریلدیینی دئییب آرتیردی: تبریز آدینا بیر گونون اولماماسی چوخ آیدین حس اولونور. بو شهر آدینا شادلیق و مراسم توتماق اوچون و بونلارلا برابر تبریزین وارلیقلارینی باشقالارینا تانیتدیرماق اوچون بو تکلیف وئریلمیشدیر.

تبریز بلدیه رئیسی دئدی: بو گون لر بیزیم شهریمیزه توریست لرین گلن گونلریندن ساییلیر. بیز تبریز گونون سئچمک اوچون مخصوص و اهمیتلی بیر گون آختاریردیق و ائله بو قوجامان شهرین مشروطه دورونده کی ائتدیگی فدارکارلیق لار و قهرمانلیقلاری اونودماماق اوچون بو گونو تبریز گونو آدینا تکلیف ائتدیک.

تبریز بلدیه رئیسی دئدی: شورا بو تکلیفی تصدیق له دیکدن سونرا عمومی مدنیت شوراسیندا دا (شورای فرهنگ عمومی) بو تکلیفی تصویب ائتمه یه چالیشاجاغیق. انشالله گلن ایل بو گون اوچون احتشاملی و دیرلی مراسم لر حاضرلایاجاغیق.

ارسال نظر

شما در حال ارسال پاسخ به نظر « » می‌باشید.
8 + 9 =