ایرج شهین باهر سردار حسین عبدی، شرقی آذربایجان پلیس رئیسی ایله گوروشده، بو سؤزو دئیه رک آرتیردی: بو چتین شرایط ده بوتون خدماتی تشکیلات لار اقتصادی چتین لیک لر ایله اوز اوزه دیرلر و بو شرایط ده، اورک بیرلیگی و ایش بیرلیگی ایله ایشله مک اولار.

او مختلف تشکیلاتلارین پتانسیللریندن فایدالانماق ضرورتینه توخوناراق آرتیردی: تشکیلات لار آراسی ایش بیرلیگی اقتصادی تحریم لرین قارشیسیندا دایانماق اوچون ضرورت دیر. بو ظالمجه سینه تحریم لر بیزیم اؤلکه میز اوچون بیر اقتصادی ساواش دیر.

تبریز بلدیه رئیسی شرقی آذربایجانین عمومی ساحه سین ایش بیرلیگی اوچون مناسب بیر ساحه بیلیب آرتیردی: ولی فقیه ین شرقی آذربایجان داکی نماینده سینین حضورو نتیجه سینده، بوردا ایش بیرلیگی اوچون مناسب شرایط وار و بوتون منصب صاحب لری همشهری لره خدمت ائتمک اوچون چالیشیرلار.

شهین باهر سوزلرینین سونوندا آرتیردی: شرقی آذربایجانین پلیس تشکیلاتینین یئنی رئیس دؤورونده، پلیس ایله بلدیه آراسیندا ایش بیرلیگین چوخالماسی نین اومودونداییق.